Gato Negro

Bos días Familia, hoxe vouvos falar do noso gato negro:

O gato negro, tal e como xa decimos na entrada do blog, o gato negro é moi representativo nos fogares de Galicia, xa que segund a tradición oral traía boa sorte. Ademáis é moi cracterístico como animal de compañía das meigas, que poblan a nosa comunidade tal e como se di no refrán "eu non creo moito nelas pero, habelas hailas". O gato pasea arredor dos fogares e protéxeos do mal de ollo. Nalgunhas ocasións, as meigas máis avanzadas son capaces de transformarse neste animal, polo que observan a vida cotiá nas aldeas.

Espero que vos guste esta reflexión e que pasedes bo dia. Acordádevos de nós se vedes un gato negro o voso arredor, xa que quizais son as meigas.

Un saudiño ;)

Reflexión Final

Boas noites Familia!

Hoxe é un día no que podemos observar como este proxecto foi tomando forma e é hora de recoller os froitos sembrados. Para realizar esta tarefa, as miñas compañeiras e mais eu estivemos longas horas de duro traballo para a realización das actividades, das entradas ao blog, da webquest e por suposto do noso ebook, que foron tomando forma nas últimas semanas.

Ainda que o resultado final non era o esperado, estamos moi orgullosas de todo o traballo realizado, xa que ver como os nosos compañeiros e compañeiras aprecian todo ese esforzo é moi reconfortante e deunos ganas de seguir avanzando, a pesar de que ás veces non estivesemos suficientemente motivadas ou atopáramos moitas dificultades para realizar as tarefas.

Opino que este esforzo pagou a pena, dado que aprendemos un montón acerca do mundo das novas tecnoloxías aplicadas á educación, un mundo que eu descoñecía por completo e que hei de dicir que ao principio agobioume un pouco, pero que conforme ían pasando as semanas me ía adaptando cada vez máis.

Días de ledicia, días de agobio, días de tristura ao lado das miñas compañeiras, apoiándonos entre nós, fixo que esta aventura fixera posible crear unha amizade e uns vínculos que coidaremos no futuro e que nos fixeron aprender a traballar en equipo e superar as dificultades, por iso, moitas grazas.

Agradecer tamén ás personas que nos len, que foron moitas durante este periodo, por estar ahí aínda que silenciosamente, porque nos motivaron a seguir adiante.

Por eso, a todos e a todas ¡GRAZAS!

Un saudiño e deica pronto ;)

Proxecto de prácticas e ebook

Bos días Familia!

A continuación presentámosvos o noso proxecto de prácticas. Nel recollemos cómo aplicaríamos de forma práctica na aula todo o que levamos feito neste tempo.

Asimismo tamén vos presentamos o noso ebook, cas actividades que se atopan no noso blog. 

Un saudiño ;)

GOOGLE

Bos días Familia

Cecais unha das ferramentas máis empregadas no mundo a día de hoxe e dende fai máis dunha década é o buscador Google, cuxa empresa foi fundada nos EE.UU. e que está relacionada cos productos e servizos relacionados con todo tipo de dispositivos electrónicos, software, internet e outras novas tecnoloxías.

Levo usando esta ferramenta dende fai moito tempo, e axilizou enormemente a maneira de buscar contidos, xa que cando eu era cativa se empregaban solamente atlas, diccionarios e enciclopedias para a búsqueda de información, que se atopaba solamente nos libros, polo que as buscas de información eran moito máis tediosas e levaban moito tempo. 

Con esta ferramenta non solamente se recolleu moita información, senón que se fixo máis sinxela de empregar e máis rápida a súa búsqueda, aínda que tamén hai que saber manexala. Porén é moi importante ensinar aos e ás peques a manexala de forma segura e con resultados eficientes. Para elo debemos empregar a educación, para que saiban empregar as ferramentas suficientes para acadar de forma eficaz os coñecementos que vaian adquirindo, conseguindo deste xeito un aprendizaxe significativo.

Un saudiño e a disfrutar deste fermoso domingo soleado ;)

MANUALIDADE BRUXA

Bo día Familia!

Hoxe traémosvos as dúas últimas actividades para o noso proxecto;



A primeira trátase dun vídeo feito por nós, explicando como realizar unha manualidade para crear unha bruxa cunha landra e que deixamos a continuación.







A segunda actividade é un cuestionario para repasar os contidos aprendidos, realizado con google drive ao longo do noso proxecto, que deixamos a continuación

Finalmente queremos achegarvos o enlace a webquest que creamos para o eBook, podedes achegarvos clicando aquí

Comentarios realizados en el Blog

Bos días Familia

Nesta entrada queremos facer unha breve reflexión sobre os comentarios que realizaron no noso blog. É moi gratificante saber que os nosos compañeiros e compañeiras nos visitan e nos fan aportacións. Coméntanos que utilizan os recursos que vamos aportando nas nosas entradas e anímanos a seguir traballando. Dende Habelas Hailas queremos dar as gracias a todas as persoas que aportaron o seu graiño de area para que o noso blog teña comentarios.

Un saúdo dende Ourense, os redactores e as redactoras de Habelas Hailas nesta mañá soleada sobordamos de ledicia recordando os vosos comentarios.

Declaracións para o informe

Boa tarde familia

Nesta entrada queremos falarvos das nosas intencións para o proxecto, o libro electrónico ou eBook.

Levaremolo a cabo nunha aula de 3º curso de Educación Primaria, a temporalización será de unha semana. Neste ademáis de adxuntar información realizaremos actividades coma as propostas na webquest, memory e videoquiz, e outras como un puzzle interactivo, a lectura dun cómic, a visualización do prezzi, sopa de letras, crucigrama, video sobre como facer unha meiga e, finalmente, realizaremos un cuestionario.

Esperamos que vos guste o traballo cando este rematado

Movie Maker

Boas noites Familia!

Hoxe déixovos unha ferramenta ca que estivemos traballando para facer algúns recursos visuais que presentamos no blog. Trátase do Windows Movie Maker, que é un editor de fotografías e vídeos de Windows, no que podemos montar películas ou montaxes en formato de vídeo. Ao principio resultoume un pouco complexo co tema de añadirlle música ou son, pero a verdade é que é bastante intuitivo e permite un rasultado bastante bo. Para gardar o documento tan só debemos transformalo en película e gardalo como tal. Espero que esta ferramenta vos resulte útil.

Un saudiño ;)

ÚLTIMAS ACTIVIDADES DO NOSO PROXECTO

Bos días.

Estamos traballando sobre as últimas actividades do noso proxecto, e queremos deixarvos aquí unha presentación sobre as xudías máxicas galegas, e un cómic sobre a noite de San Xoán.

Esperamos que vos gusten. Un bico familia.

URCO

Boas noites Familia!

 Para seguir coa liña temática do noso Blog e do noso proxecto, hoxe vou a falarvos dun personaxe menos coñecido na actualidade, pero que amedrentaba aos nosos antergos; trátase do Urco.

 Este personaxe, tamén chamado Can de Urco ou Can do Mar é un personaxe mitolóxico coñecido no Norte da Península, especialmente en Galicia e tamén en Asturias, onde se chama "Huerco".

 Esta criatura adopta a forma dun can negro, aínda que en ocasións pode ser branco. De gran tamaño, con cornos e longas orellas, soe arrastrar unhas cadeas. Segundo a tradición oral sae do mar ouveando, o que se intúe como un presaxio de morte.

Tamén din as historias dos nosos antepasados que vivían nas orelas do río Lérez, procedentes dun lugar tenebroso coñecido como Borrón, un lugar do "Outro Mundo" que se atopa baixo a mar.

Esperemos nunca atoparnos cun destes, pois semella que é bastante perigoso.

Un saudiño e espero que vos gustara moito a historia de hoxe. ;)

Actividades para o proxecto

Bos días Familia

Hoxe na clase de Novas Tecnoloxías estivemos a facer dúas activiades. Como xa sabedes o noso proxecto está relacionado con San Xoan e Samaín, por eso hoxe realizamos dúas actividades relacionadas con estas festividades.

Deixamovos aquí a sopa de letras:

San Juan e Samaín

E deixamosvos aquí un bonito puzzle para que vos divirtades:

49 Samhain

Un Saludo Familia!!!

Zowi, o robot educativo

Bo día familia!!

Hoxe tráigovos outra ferramenta educativa; trátase dun robot infantil chamado Zowi.

Con este robot os enxeñeiros que o deseñaron pretenden acercar ao mundo da tecnoloxía e da robótica aos nenos e nenas de todo o mundo. Con esto, permitirá aos nenos e nenas xogar e aprender, estimulando a súa curiosidade e animalos a descubrir que a tecnoloxía é divertida e que eles mesmos poden creala.

Deica logo e pasade bo día ;)

Actividades para a Webquest

Boa noite familia!

Para seguir cos recursos, deixámosvos dous deles de seguido, cos que imos a realizar a webquest:
Deixovos o primeiro enlace aquí, trátase dun Memory con personaxes mitolóxicas e a súa descripción; para o segundo, fixemos un videoquizz sobre os personaxes da mitoloxía galega que deixamos adxuntado aquí.


Memory Personaxes Mitolóxicos Mitoloxía Galega Esperamos que vos guste e un saudiño ;)

Mouras

Boas noites Familia! 

Escríbovos un pouco tarde despois dun duro día de traballo!

Hoxe quero falarvos da lenda das mouras:

As mouras son personaxes que aparecen na cutura galego-portuguesa. Son mulleres fermosas que aparecen nos camiños ou á beira dos ríos peiteando o seu dourado cabelo, habitualmente agardando por alguén. Segundo antigos relatos populares son almas de doncelas que foron deixadas gardando tesouros que os mouros esconderon ao volveren ás súas terras. 

Na miña aldea (A Veiga), existe un lugar chamado "cántara da moura", un lugar polo que o río Corzos se entremezcla cunha zona natural con varias covas de pedras, moita vexetación e cascadas de auga. Nesas oquedades que quedan entre as pedras, o río forma unha piscina natural, saíndo de novo a auga ao exterior a través dunha porta en forma de cascada. O nome desta cova fai referencia a unha lenda, que conta a historia dunha fermosa moura que residía na mesma. "Un día, a moura saíu ó exterior a sentarse na marxe do río onde peiteaba os seus longos cabelos cun peine de ouro; namentres, agardaba polas mozas da aldea de Corzos que coidaban o gando e cando pasaban á súa beira deixaba cae-lo peine. Si a moza paraba a recollelo, esta era recompensada cunhas moedas de ouro. Se non o facía, a moura convertíaa en rocha, coma as que hai ao redor da cova."

Espero que algún día descubrades a maxia e a beleza desta gran paraxe, ademáis do seu fermoso ceo estrelado, xa que verdadeiramente é fascinante!

Un saudiño!! ;)

Actividades para o proxecto

Boas tardes familia

Para o noso proxecto educativo realizaremos varias actividades, hoxe estivemos creamos dúas delas que vos mostraremos a continuación.

Unha das actividades creadas por nós consiste nun xogo de palabras cruzadas. Estas palabras teñen que ver con dúas festividades galegas, Samaín e San Xoán. Se desexas visualizar ou realizar esta actividade consulta esta páxina de educaplay

Festividades galegas

A outra é o puzzle que tedes a continuación, sobre unha fogueira de San Xoán tomada por nós na Coruña

Gustáronvos as actividades plantexadas? Podedes deixarnos o voso comentario nesta entrada ou no noso correo electrónico de grupo anesalmadobleuno@gmail.com 

Deica logo 

LENDA DE MARÍA PITA

Boas Noites Familia e feliz día da muller traballadora

Neste día especial vou facer unha mención especial á heroína galega, María Pita, que defendeu a cidade da Coruña do ataque dos ingleses en 1589.

Os invasores atacaron a cidade cunhas exiguas defensas, xa que dispuñan dunha escasa guarnición na defensa das murallas medievais, existindo polo tanto gran desproporción entre as forzas dos dous contendentes.

Segundo a crónica da época a actuación de María Pita fixo retroceder unha compañía inimiga, que recuou ao ver que o seu abandeirado fora morto por unha muller cando estaban a piques de traspasar as murallas. Aínda que a lenda di que este feito foi levado a cabo ao grito de "Quen teña honra, que me siga", que fixo que mulleres e nenos se unisen á batalla co sinxelo arsenal de material doméstico, tales como olas de barro, coitelos de cociña e outros utensilios domésticos que lanzaron contra os atacantes, o que desmoralizou á tropa inglesa e impulsou finalmente a súa retirada.

Espero que disfrutárades desta historia e deste día, un saudiño e deica a próxima! ;)

PROPOSTA DE ACTIVIDADES

Bos días familia.

Neste día tan especial para todas as mulleres traballadoras, decidimos achegarvos unha entrada grupal para contarvos como será a estrutura do noso proxecto.

Como xa sabedes, trátase dun eBook sobre a mitoloxía, tradicións e supersticións de Galicia, este proxecto contará cunha webquest, un recurso audiovisual e actividades.

En primeiro lugar, a webquest tratará sobre seres mitolóxicos como trasnos, mouras, entre outros. Co obxectivo de que o alumnado adquira coñecementos sobre estes e, finalmente, cree o seu propio ser mitolóxico.

Como recurso audiovisual empregaremos un stopmotion sobre como crear unha bruxa cunha landra.

Con respecto as actividades que incluiremos no noso proxecto e a nosa webquest, citaremos a continuación os diferentes recursos:

• Memory sobre seres mitolóxicos, para así aprender onde podemos atopalos e que ademais contará con algún xogo educativo sobre este tipo de personaxes.
• Banco de actividades con diferenzas entre San Xoán e Samaín. Poderíamos crear actividades de buscar diferenzas, clasificar elementos segundo sexan dunha ou doutra festividade ou palabras cruzadas con palabras clave de cada festa.
• Crearemos un crebacabezas de imaxes típicas e raras de Samaín e San Xoán.
• Conto interactivo explicado a noite de San Xoán, onde incluiremos as meigas.
• Cómic sobre o Samaín, onde falaremos sobre as persoas defuntas, a Santa Compaña, a historia, os suxeitos, o que pasa.
• Crearemos unha presentación que nos sitúe nun país máxico chamado Galicia, na que incluiremos as nosas xudías máxicas galegas.
• Para rematar incluiremos un cuestionario final que conta con verdadeiro ou falso e outro tipo de preguntas a modo de avaliación.

Pois ben familia, esta é a nosa proposta esperamos que vos resulte interesante. Que todos e todas pasedes un bo día.

Un saúdo dende a redacción de Habelas Hainas.

Presentación do grupo, Habelas Hainas

Boa noite familia.

O obxectivo desta entrada é presentar ao noso grupo. Formamos parte do alumnado de Primeiro de Educación Primaria e ocorréusenos esta maneira orixinal de facelo, esperamos que vos guste.

Deica a próxima 

Vídeos holográficos

Boas noites Familia!

Hoxe quérovos ensinar unha cousa moi chula e especial que descubrín esta semana. Aínda que non está relacionado co noso proxecto, paréceme unha ferramententa moi atractiva que me impresionou gratamente. Trátase da proxección de HoLoGrAmAs! E é que o futuro xa está aquí!

De nena vía nos debuxos ou en algunhas pelis futuristas como os personaxes sacaban uns aparatiños para poder chamarse uns a outros por medio de imaxes de hologramas, e claro, eu desexaba que ese futuro chegase xa...

A maneira máis sinxela de empregar esta ferramenta é grazas a un smartphone, no que buscaremos un vídeo de imaxes de hologramas; asi mesmo debemos posuír un "visor", é dicir, un medio no que se poida proxectar o reflexo do holograma; para isto só hai que recortar catro trapecios iguais de 1cm na parte superior, 3'5cm de alto e 6cm de base; posteriormente hai que pegalos entre si (formando unha pirámide cuadrilátera sen punta, é dicir, con un oco cadrado arriba e outro abaixo. Para ilustralo mellor, déixovos adxuntados abaixo dous vídeos, o primeiro unha demostración de como se realiza o experimento, e o segundo un vídeo calquera no que poderemos ver estos hologramas ao ter o noso "visor" rematado, ámbolos dous obtidos de Youtube, donde poderedes atopar moitos máis.

• Demostración de cómo preparar o visor

• Vídeo para a experimentación: 

Espero que vos guste tanto como me gustou a min!!!

Un saudiño ;)

PÓSTER DIXITAL

Boas noites Familia!

Finalmente, aquí presentamos o resultado do noso póster; para entrar ás páxinas dos recursos, podedes facer click en cada unha das fotos que se atopan na descripción dos mesmos.

Esperamos que vos guste!

Un saúdiño ;)