Boas tardes familia.
Fixen unha parada neste marabilloso tempo de
Entroido para falarvos dunha forma de comunicación cuxo obxectivo é incrementar
o consumo, estou a falar nin máis nin menos que da publicidade.
A publicidade é tan honesta que cando che vende
algo avísate de que o vai a facer. Son das que pensa que as persoas non podemos
vivir alleas á publicidade, xa que todo é comunicación. Comparto a idea de que
é unha empresa que move unha enorme cantidade de diñeiro, pero non podemos
esquecer que a última palabra sempre a ten o consumidor ou a consumidora.
Vivimos nunha sociedade na que contamos con acceso
ilimitado á información e as TIC melloran a unha velocidade de vertixe. A
publicidade tamén se ve influenciada polas TIC, grazas a elas mellora a súa
produción, o seu proceso e a súa maneira de chegar ao mercado.
A tecnoloxía está nunha evolución constante e cada
día sorpréndenos máis. Quizais ás novas xeracións impresiónanos un pouco menos
estes cambios tan radicais, pero parémonos a pesar como poden ver estes cambios
as persoas máis veteranas. No pasado a tecnoloxía sorprendeunos a eles e a elas
tamén, pero agora vemos eses avances como trastes. Coa publicidade podemos
viaxar ao pasado e facer que pareza moderno. Se prestamos un pouco de atención
veremos que a tecnoloxía dá pasos de xigante á beira da publicidade do pasado.
Considero que a publicidade e a tecnoloxía están
conectadas por diferentes grupos de persoas que comparten coñecementos. A
publicidade utiliza a tecnoloxía para presentar o seu produto e desta forma os
clientes e as clientas poidan opinar e decidir se consumilo ou non.
Ningún comentario:
Publicar un comentario